ضد نظام الإنترنت الجديد في مصر!

24 responses so far

1. ارحم دماغك!

   on 21 يوليو 2007 at 11:00 ص

   هييييييييه اسمعوا بقى..بمجرد ما يتطبق النظام ده كل واحد يلغي الخط من بيته، احنا لسة حياتنا مش معتمدة على النت بالدرجة يعني..وصلات السايبرات هي اللي هتمشي وقتها..
   باعتبار انه خدمة الـ2 جيجا هتستثنى من التحديد وهتكون مخصصة للشركات والمؤسسات..

   ووقتها بقى نتفرج على النصاحة بتاعت الحكومة!!
   هم لو كانوا خفضوا الخدمة وسابوها مفتوحة كانت الناس اشتركت بواقع خط لكل بيت، باعتبار انه أريح للمستخدم بستين مرة محدش يعمل له زحمة عالشبكة..

2. PaSSaNt

   on 21 يوليو 2007 at 1:24 م

   :S
   ما إنتَ جبت من الآخر ..
   عمر الحداية ما هدحدف كتاكيت ..!

3. Lasto adri *Blue*

   on 21 يوليو 2007 at 3:30 م

   هو نعمل وقف للنت من بيوتنا لمدة اسبوع.. ويبقوا يشوفوا الناس لها صوت يتسمع ولا لاء
   بس لازم خطة اجابية تتاخد المرة دى.. اصلها مش لعبة كل يوم رفع اسعار :S

4. عصفور المدينة

   on 21 يوليو 2007 at 10:30 م

   معا ضد النظام قصدي
   ضد النظام الجديد لل دي إس إل خاصة
   بالله عليكم عايزين تنفيذ كل واحد يعمل أكبر دوشة يقدر عليها مش معقول بقة
   اتصل اكبر عدد من الاتصالات وعرف الشركة إنك مش حتجدد اشتراكك
   واتأخر في الدفع ووووو
   أي دوشة عشان يعرفوا انهم مش حيكسبوا
   يلا نقضيها مسد كولز

5. Bella

   on 21 يوليو 2007 at 10:34 م

   المفروض نعمل مقاطعة ونعمل قبلها حملة نفضحهم بيها في كل مكان

   فاكرين الحملة بتاعة فودافون جابت نتيجة معاهم ازاي

   دي عالم تخاف ماتختشيش
   لو ماعملناش وقفة جادة ضدهم ح ينفذوا خطتهم ونفضل ملطشة لكل وزير يلم من ورانا فلوس لوزارته
   حاجة تقرف

6. عصفور المدينة

   on 21 يوليو 2007 at 10:36 م

   عايزين ملخص للاقتراحات عشان نبتدي التنفيذ وكلنا ننشر الفكرة
   بسرعة قبل ما ينفذوا ويبقى أمر واقع

7. Bella

   on 21 يوليو 2007 at 11:17 م

   عن نفسي بافكر اعمل تدوينة للقماطعة اجمع فيها لينكات للمدونات التي تكلمت عن نفس الموضوع
   وعايزين نصمم بانر للمقاطعة وننشره بين اكبر كمية مدونات

   انا اتصلت بكل اللى اعرفهم وفهمت الحكاية لان فيه ناس منهم متصورين التخفيض وخلاص

   يبدو انهم لم يقراوا الخبر كامل
   عايزين نعمل لهم فضيحة بجلاجل صراحة
   لازم يحسوا اننا مش ح نسكت لو طبقوا النظام اللصوصي ده

8. IRC President

   on 21 يوليو 2007 at 11:35 م

   النظام القديم متلغاش يا جماعة

   الصحفيين إللي كتبوا الموضوع هما إللي مالهومش فيه

9. محمد ثروت الجابري

   on 22 يوليو 2007 at 2:39 ص

   طيب
   الوقفة الاحتجاجية – اللي المفترض هتكون كبيرة لشعبية الموضوع بعكس وقفات السياسة – ياريت يترتب لها بسرعة ، وتحديد اقتراحات وترتيبات
   متفق تمامًا علي إن المقاطعة – لو النظام ابتدا – هتعمل تأثير ، لكن يكون علي نطاق واسع ، فالحملة لازم تبتدي من دلوقتي وبمجهود ومن ناس مشهورة

10. مواطن مصري

    on 23 يوليو 2007 at 2:29 م

    انا واحد من الناس اللي مشترك لوحدي عالنتبجهاز واحد والنظام الجديد ده في ظلم و لو تم انا اول من هيلغي الاشتراك و هاقاطع استخدام النت سواء من السيبر او حت من الشغل عندي حرام عليهم احنا هنلاحق علي فواتير التليفون ولا الكهربه ولا الغاز ولا رسوم النظافه ولا ايه ولا ايه………………. هو المرتبات هتكفي ايه ولا ايه (حسبي الله و نعم الوكيل)

11. Bella

    on 23 يوليو 2007 at 8:04 م

    انا كمان مشتركة لوحدي ومش بوصلة ولا غيره
    والنظام الجديد سيمثل ظلم شديد بالنسبة لي

    ولو طبقوه ح اقاطع النت
    ماحدش يلوي دراعنا ونقف نتفرج عليه

    افتكروا حملات المقاطعة للموبايل جابت نتيجة قد ايه

    لازم يحسوا اانا بنتكلم جد وفعلا ناويين نقاطع

    انا اخدت لينك للموضوع ده عندي في المدونة

    تحياتي

12. المتمرد

    on 24 يوليو 2007 at 5:21 ص

    منهم لله عايزين مننا ايه تانى ما كفايه اللى خادوه
    حتى النت مستكترينه علينا هنديب فلوس منين ولايه ولا اليه للكهرباء اللى غلت ولالا الميه والا ايه ولا ايه

    حسبى الله ونعم الوكيل فيكى يا مصر

13. مرمر

    on 24 يوليو 2007 at 10:49 م

    دة بكرة يعملوا كروت شحن جيجات وهنخربش و نهيص
    ، لازم ما نسلامش بسهولة احنا نعمل اية ،
    كل واحد على الاقل يقول لاصدقاؤة ونقطع الاشتراك اصلا
    ، ونتصل بخدمة العملاء ونقولهم احنا عاوزين الخط بتاعنا زى ماهو لأما هنكنسل الاشتراك

14. احمد عزت

    on 24 يوليو 2007 at 11:22 م

    انا برضه مشترك سرعة 256 لوحدى وهالغى اشتراكى اول ما لنظام يتطبق
    انا بانزل اقل حاجة فى الشهر 40 جيجا
    بالنظام تبقى
    45 لاتنين جيجايتبقى 38 نضربهم فى عشرة
    تبقى الحسبة
    45+380 = 425 يعنى اربع اضعاف السعر القديم وقال ايه رخص النت

    النظام القديم ملغى واتصل بشركتك واعرف
    الوزير قال النظام القديم زى ماهو لغاية تجديد العقود
    اللى بيدفع كل شهر فلوس دا معناه انه بيجدد عقده كل شهر انا اتصلت قالولى هتبقى تسعة اجبارى 45 جنيه
    وسيبك من هجص الجرايد دا دول بيحولوا يهدوا الشباب

    الوزير بيقول رخص النت عشان سمع نبض الشارع
    خليه يسمعه دلوقتى ويورينا بيلبى طلباته ولا لا

    وزير غبى رجعنا ست سنين لورا
    يارب يتشال فى التعديل الوزارى الجاى ويجيبوا حد اذكى منه بدرجتين على الاقل عشان يكون بيفهم شوية ا

    قال ايه اللى بيتجاوز الاتنين جيجا بيكون بينزل افلام او اغانى وانت مالك يابايخ بينزل ايه هو انت اللى عامل الافلام انا مهندس معمارى وبانزل مشاريع من الانترنت وابعت cv لشركات كتيرة وباتكلم فيديو مع اصحاب الشركات برا
    وفيه ناس بتنزل اسطوانات تعليمية
    وناس بتعمل مواقع انترنت ومنتديات وبترفع حاجات للنت بالهبل
    بالنظام الجديد هترجعنا متخلفيين تانى
    اللعنة عليك وعلى امثالك اللى هيودنا لورا وبسرعة الضوء ياوزير الاتصالات

15. واحد مخنوق

    on 25 يوليو 2007 at 12:03 ص

    والله ياجماعه اللى بحصل ده مالوش غير أسم واحد (تهريييييييييج) وبصراحه كده ده أسمه وهم تخفيض أسعار النت لأن لو حسبتها صح هتلاقى النت غلى مش رخص وهما المستفيدين

16. سالي

    on 25 يوليو 2007 at 5:21 م

    يااااااااااااااربنا اوووووووووووووووووف اية التخلف دا
    واللة بجد مش عاوزين يسيبوا الناس فحالها مش كفاية الملايين اللي مش لاقييين شغل وفي ناس كمان بتشتغل علي النت هما مستخسرين حتي الناس تتقدم شوية كلوا فلوس فلوس يعني اللي معهوش يتنيل ويقعد جاهل كدا واللة العظيم دا تخلف وظلم وانا واحدة من الناس مشتركة لواحدي من الشركة بس عالاقل بدفع مرا واحدة ثابت وبعمل اللي انا عاوزة وبشتغل كمان عالنت يعني اية باة الحل يعني انا كمان هقاطع وهلغي اشتراكي بس وبعدين ؟ واللة بجد زهقنااااااااااااااااااااااااااا وشوية شوية هنباة دولة حكم فردي يعملوا اللي عاوزينوا واحنا مسحوبين وراهم دي حاجة تقرف

17. اللهم طولك يارووح

    on 25 يوليو 2007 at 5:36 م

    هو اية اصلو داة واللة العظيم دا اسمة لوي دراع يعني حتي فطريقة الفتوي بتاعتهم دي او الاقتراح زي مابيسموة اللي هو هيكون امر واقع وغصب شكلة زي مايكون هو كدا واللي عندكوا اعملوة بس يعني دا مش اسلوب وياريتها حاجة صح دا اسمة فعلا زي مالباقيين قالوا تخلف وجهل وهنفضل كدا طول عمرنا والعالم عمال يسبق واحنا عمالين نرجع لورا لورا يلا اعملوا اللي تعملوة هو يعني جات عالنت مستخسرينة اوي علينا ماكل حاجة خربانة

18. مرمر لاتناى مرة

    on 25 يوليو 2007 at 5:59 م

    بشرى سارة……………..

    وجدت على موقع وزارة الاتصالات خبر يقول لا الغاء للاشتراكات القائمة بالفعل اقرأ..

    http://www.mcit.gov.eg/ar/announcement.aspx

19. ميلو

    on 29 يوليو 2007 at 9:22 ص

    لابد لنا من الاعتراض دة حتى يتم الضغط عليهم وانا هالغى اشتراكى منهم ولابد من ارسال رسائل اعتراض ل…………..
    الخطاب
    أولا وسائل الإعلام :-
    جريدة الجمهورية eltahrir@eltahrir.net
    أخبار اليوم akhbarelyom@akhbarelyom.org
    بريد الجمعه: baridelgomaa@ahram.org.eg
    برنامج العاشرة مساءً: al3ashera@dreams.tv
    عمرو أديب alkaheraalyoum@orbit.net
    أحمد رجب a_ragab@akhbarelyom.org
    90 دقيقة 90min@elmehwar.tv
    ثانياً : المسئولون :-
    http://www.mcit.gov.eg/ar/Contactus.aspx
    وزارة الإتصالات

    جهاز تنظيم الاتصالات
    بريد اليكترونى: info@tra.gov.eg
    صفحة الشكوي
    http://www.tra.gov.eg/arabic/Complain_Add.asp?Menu=4
    التليفون: 155

    السيد رئيس الوزراء الدكتور احمد نظيف لترفع الشكوي الي التقرير الذي يقدم له شهريا
    questions@cabinet.gov.eg

    الموزعون :-

    شركة Tedata احد اكبر مزودي الخدمة
    ارسل الرسالة عن طريق
    http://tedata.net/ContactUs.htm

    شركة لينك دوت نت احد اكبر مزودي الخدمة
    http://www.linkdsl.com/LinkDSL_Code/…dbackForm.aspx
    Call center : ( 16333 )

    شركة سوفيكوم احد كبري الشركات المزودة للخدمة
    E-mail: support@soficom.com.eg
    Call center : ( 19256 )
    و
    هذا نموزج للخطاب
    بسم الله الرحمن الرحيم

    الي من يهمه الامر
    اما وبعد

    اولا وقبل كل شئ نشكر سيادة وزير الوزراء الدكتور الفاضل احمد نظيف و وزير الاتصالات الدكتور طارق كامل علي اهتمامها بالبنية التحتية المعلوماتية في مصر ومجهوداتهما الرائعة في سبيل تطويرها والعمل علي نموها وذلك املا في مصر متقدمة مسايرة لنهضة العالم المتحضر

    تردد في الفترة القصيرة الماضية علي الساحة المعلوماتية في مصر انباء بخصوص تخفيض اسعار خدمة الانترنت وانتظرنا ذلك التخفيض بشغف وتطلعنا اليه وذلك لعلمنا بتوجيهات سيادة الرئيس محمد حسني مبارك حماه الله لنا برعاية شباب مصر والاهتمام بهم

    الي ان فوجئنا جميعا بما اعلن من قبل وزارة الاتصالات في يوم 18 يوليو لسنة 2007 بتخفيض اسعار الانترنت الي اكثر من 50% مع تحديد عدد ساعات الربط او تخفيض الحد الاقصي للتحميل الي 2 جيجا

    اننا مستخدمي شبكة الانترنت في مصر نعلن اعتراضنا علي هذا القرار ايا كان الدوافع المؤدية الي اطلاق هذه المبادرة

    هل نسير بخطي الي الامام ام نرجع الي الخلف هل نتقدم ام نتاخر في اتخاذ قراراتنا
    ان هذا التخفيض المزعوم ماهو الا تخفيض في الاسم فقط ولكن في مدلولوه واذا نظرنا له بنظرة اخري سنجد انه تخفيض كاذب وهذه الاسباب

    1- النسبة الاكبر من مستخدمي الانترنت في مصر مشتركين بسرعه 256 ك ب /ث
    2- 2 جيجا فقط حدا مسموحا للتحميل من الانترنت فاجئنا جميعا انه لحد ضئيل جدا
    3-هذا الحد المسموح به للتحميل انه ليجعل مستخدمي الانترنت في مصر الي مرتادي شات فقط ومرتادي تصفح مواقع ليس اكثر خوفا من تعدية الحد المسموح بيه ودفع مبالغ اكثر قد توصف بانها خيالية ( 8 جنيه للجيجا الزائدة حسب اتصالنا بمعظم مزودي الخدمة في مصر وابلاغهم لنا بسعر الجيجا الزائد عن المسموح بيه )
    4-هل تعلمون سيادتكم ان متوسط استخدام معظم شباب مصر لايقل عن (20-30 جيجا شهريا)
    5- هل تعلمون سيادتكم ان الانترنت في مصر ليس اداة شات ولا تصفح فقط وانما هو مقصد للتعليم ومقصد للترفيه ومقصد للمبرمجين ومصممي صفحات الوب وهذا مايحتاج الي حد اعلي من هذا
    6- هل تعلمون ان هذا الحد المسموح بيه ( 2 جيجا ) احبطنا جميعا

    نحن جميعا مقدرين لسبب هذه المبادرة وذلك لردع الinternet connection sharing ومن يستغلون الانترنت للكسب غير المشروع من خلال توصيل الشبكات الي المنازل المجاورة عبر الشبكات السلكية واللا سلكية
    ولكن سيدي انتم هكذا لستم فقط ستردعون هؤلاء الفئة ولكنم ستردعون جميع المستخدمين امثالنا من هما متتضرين من تلك المبادرة
    بالعكس قرراكم هذا فيه مصلحة شخصية لمن يسموا بكبار موئسسي تلك الشبكات ال internet connection sharing حيث انهم سيتجهون للانترنت بسرعه 2 ميجا وستزيد نسبة توزيعهم وشبكاتهم

    ناسف للاطالة ولكن مانطلبه هو الابقاء علي ال unlimited internet packages الحالية حفظا لحقوقنا بالتمتع بخدمات الانترنت ومسايرة العصر ومواكبة تطوراتوا بالاضافة الي طرح تلك المبادرة وذلك توجها لتلك الفئة من هم من مستخدمي الشبكات المحظور انشاءها وهم بكل تاكيد سيجدون في تلك الباقة مايسرهم لانها افضل بكثير لهم من استخدام الشبكات هذه بما لها من عيوب جمة

    نرجو سرعه التوضيح وتعديل القرار

    شكرا لكم لرحابة صدركم

    الإيميلات الموجه إليها هذا الخطاب

20. ميلو

    on 29 يوليو 2007 at 9:48 ص

    وممكن نرسل ايميلات للميل الشخصى لرئيس الوزراء اهو وياريت نبقى نشارك ونبعت كفاية صمت يا جماعة دا احنا خدنا على قفانا كتييييييييييير من زمان
    primemin@idsc.gov.eg

21. قلم جاف

    on 03 أغسطس 2007 at 2:30 م

    إن صح اللي في دماغي ، فإننا أمام أغرب مفارقة يمكن للعقل تخيلها ، كيف يمكن لوزارة الاتصالات التي تريد خصخصة جزئية للتليفون الأرضي بمنح رخصة أرضية للقطاع الخاص أن تمضي قدماً في احتكار تقديم خدمة إنترنت؟

22. حبيب

    on 03 أغسطس 2007 at 4:28 م

    الله يهديهم أو يهدهم هو القادر علي كل شئ وحسبنا الله ونعم الوكيل

23. ramywhynot

    on 05 أغسطس 2007 at 2:22 م

    ده ايه الدماغ الزباله دي

    مين الذكي اللي فكر في الاختراع ده ومين الذكي ابن الذكيه اللي عجبه الاختراع ده

    زير الاتصالات واعوانه بمباركه الشركات الخاصه اللي هتموت من الفرحه …يارب يارب تنفجر الشركات علشان يفرحوا

    طب لما هو نظام الشبكه مش عاجبهم بيأجروا الراوتر 4 بورت ليه و لا انا هشتغال ببورت واحد ولما يبوظ انقل علي التاني انا ولا ايه

    طب بلاش

    انتو سمعتوا عن ان النظام الجديد فيه شيئ غير معلن عنه وهو حجب بعض المواقع يعني كمان هيخلونا نفتح المواقع اللي علي مزاجهم

    اقول ايه بس بقي ياربي متوسط تحميل الاسره في الشهر 2 جيجا ….ايه كل واحد في العيله هيدخل علي الايمل ويطلع يجري
    ولا كل يوم اتصل بالشركه اقلهم عملت كام ميجا النهارده …لو قالولك عملت 100 ..تقولهم خلاص كفايه كده النهارده اقفلو النت علشان الشيطان شاطر

    كفايه كده انا مخنوق!!!!!!

24. mido

    on 21 أغسطس 2007 at 3:58 م

    أكيد نظام فاشل والكلمة دى إتقالت من إللى شغالين فى الشركات !!!!!!!! يعنى معروفة من أولها …………….. إيه الحل