تحرش جنسي!
أنا فعلا مكسوف.. في بلد بتصرف أكثر من تسعة مليارات على وزارة الداخلية, يحدث ما حدث في وسط البلد.. أمننا سريع التدخل جدا في كل ما يمس حكومته ورئيسه, أما ما يخص الشعب.. فلا تكاد تسمع له حسّاً.. ماهو اسمه “أمن دولة” مش “أمن شعب”, تعودنا هذا من العسكر في كل حال.. نحمد الله أنهم لم يشاركوا في التحرش.
المصيبة بالنسبة لي اني لما تكلمت في الموضوع ده في الكلية, كلت تريقة للصبح!.. قالولي [بإجماع] انه بيحصل في جامعة الدول, وفي كذا وفي كذا وفي كذا.. بس الأعداد بتبقى عشرات.. مش مئات, ده كمان غير حالات التحرش الفردية! انتم فاهمين يعني ايه حدث زي ده بيتكرر بالشكل ده في أماكن زي دي.. وماحدش بيتحرك؟ واصلا ماحدش جاب سيرة الموضوع ده إعلاميا غير لما مدونين زي مالك ووائل اتكلموا عنه؟
كتسجيل شهادة.. الموضوع ده انا شوفته مرة واحدة في أولى ثانوي, كان في تجمع كبير.. لما وصلتلهم كانوا بدأوا ينفضوا وكان في بنتين طالعين [بيضحكوا] من وسطهم, لم يتعدى الموضوع اللمس حسب ما أتذكر.. وده حصل في طنطا!.. الكلام ده بس للناس اللي كانوا مقتنعين ان الموضوع تهويل من المدونين.. الموضوع مش تهويل.. إطلاقا..
السعودية طبقت السنة اللي فاتت حد الحِرابة على 3 متحرشين, بعدها الحوادث المشابهة اختفت تماما – حسب الظاهر على الأقل – من المملكة, الصين – حسب ما سمعت – عاقبت في الثمانينات من يرتكبها 3 مرات بعملية جراحية تعقيمية – إخصاء طبي – يفقده الخصوبة – تماما كالكلاب – وهو حل مشابه للي طرحه علاء قبل كده, الناس دي عار على الجنس البشري كله.
بس الكلام ده بصفة إن عندنا أمن أصلا عايز يقبض عليهم, احنا ممكن نبقى نعمل مظاهرة في وسط البلد العيد الجاي ان شاء الله.. ابقوا افتكروا بس!
انا شفت الموضوع ده فى روكسى وبطول شارع الأهرام فى مصر الجديده من اكتر من 6 سنوات وبنفس الطريقه اللى بتحكو عليها الهجوم على البنات ومحاوطتهم ومحاوله لمسهم والتلفظ بالفاظ خارجه امامهم والناس بيحاولو يركبوهم تاكسيات للهروب من ارض المعركه ومن يوميها وانا مفكرتش اخرج فى اللى اسمو العيد بتاع الرعاع ده تانى
المشكلة يا محمد ان الشارع المصري فعلا بقى مريض
والناس مش قادؤة تستوعب ولا تتخيل إزاي ده حصل او ان التحرش بيحصل فعلا
وعلى فكرة أغلب الاباء والازواج مايعرفوش اللي البنت او الست بتتعرضله يوميا في الشارع لانها غالبا بتتكسف انها تتكلم ..
والاسوأ من التحرش اللي حصل في وسط البلد هو التحرش اللفظي اليومي اللي البنت بتتعرضله من غير حتى ما يكون عندها قدرة على الرد
يعني هذه مشكلة يجب أن يوجد حل لها هؤلاء لا شي يردعهم
طب انت شايف احنا فى ايدينا ايه؟
يعنى احنا كبنات ما ننزلش الشارع؟؟؟!!!
نقدر نعمل ايه علشان مجتمعنا ينضف وما يحصلش فيه كده؟
يعنى محتاجين حلول…
بس ايه هى؟ فيدنى
حاتم:
من أكتر من ست سنين؟؟ يعني الموضوع مش جديد.. معلومة جديدة..
جزاك الله خيرا..
بلو:
مش عارف اقولك ايه.. تفتكري المشكلة في إن الأهل كانوا المفروض من صغرهم علموا البنت ازاي تتعامل مع المواقف دي؟ ماهو لازم اوصل لأصل المشكلة!..
للأسف في ناس كتير عايزة تكبر دماغها من الموضوع كله على بعضه, وعايزة تريح بالها نفسيا.. فاللي يقولك دي مبالغات واللي قول البنات ماكانوش محترمين.. عشان يطمن نفسه ان بنته مش هايحصلها كده.. خليه يقابلني بقى!
عمر:
هانشوف.. قول يارب بس..
حبيبة:
المشكلة كلها ان الناس متصورة إن الحجاب هايحل مشاكل الدنيا, الإسلام منظومة كاملة, ماينفعش تطبقي منها حاجة وتسيبي منها حاجة, الحجاب لوحده مش حل, زي ما في حجاب, في حد اسمه حد الحِرابة للإفساد في الأرض, واللي حصل ينطبق عليه ده تماما.. لو جيه واحد واتنفذ فيه حد الإفساد في الأرض بس.. الجرايم دي هاتقل فجأة وبنسبة كبيرة جدا.. و ده عن تجارب حصلت في دول أخرى.. دول كلمتين بس قبل ما ييجي حد ويقول “شوفتوا؟ آدي الحجاب فشل.. يبقى الإسلام فشل يحل المشكلة!”.. لما نبقى نطبق الإسلام 100% الأول.. نبقى نتكلم عن الحل الإسلامي!, اللي فشل دلوقتي هو القانون الوضعي.. أو نقول تطبيق الحكومة للقانون ده..
الحل نفسه في ايد الحكومة بإنها تكثف التواجد الأمني, تخف الضغط شوية من على المظاهرات وتوجهه للشوارع.. لما تحصل حاجة زي كده طلقة رصاص واحدة هاتفرق المليون كلب دول.. بالإضافة لوجود عقوبة صارمة ضد حاجة زي كده.. ماهم طالما عارفين ان مفيش حاجة هاتحصل لهم.. هيسكتوا ليه؟
أولا والله أعجبني كثيرا تعليق الأخت ((حبيبة))
فالإسلام منظومة كاملة
وهذا ما يجهله -أو دعني أقول يتجاهله-الكثير ممن يدعون الثقافة…؟؟؟
أنا لا استغرب من هذه الظاهرة -السيئة بكل ما تعني الكلمة من معاني-
واعتقد أن المشكلة متشعبة
فكيف لشاب يشاهد يومياً الأفلام والمسلسلات وحتى الكليبات (( لسؤ الحظ …المصرية…وغيرها))…الخ… والتي جل اهتمامها ينصب في إثارة الغرائز…؟؟؟
ويستمع إلى دعاة الهوى ((الهوى دي يعني الحاجات إلي بحبها الشباب بغض النظر عن رأي الإسلام فيها)) وقد سيطروا على وسائل الإعلام وهم يبثون سمومهم ويتفننون في إثارة الشباب وإرشادهم إلى طرائق الإفساد وتهوين المحرمات عليهم((المسألة دي مافيهاش حلجة وخلونا من التشدد والتعصب والدين يسر ….الخ… من العبارات التي تنم عن الجهل …ليس بالدين فحسب ولكن حتى بالعقل والفطرة))……
شاب قد تثار غريزته -ربما على مدار الأربع والعشرين ساعة- في التلفاز …في الشارع…حتى في المذياع….
كيف له أن يصمد ….؟؟؟
وقد قل عنده وازع الدين((التشدد عندهم؟؟؟فهو مش عايزش قيود في الحياة …وأنا حر…وعايز أعيش براحتي…)) فهو لذلك لا يأبه إلى ما يقوله الناس ولا يضيع أدنى فرصة تسنح له….
طبعناُ شاب مثل هذا سيصل إلى مرحلة لن تعني له المحجبة شياً((أصلوا بقي وحش همو إسكات غريزته الثائرة)) فلذلك ليس مستغرباُ أن يتحرش هؤلاء الشباب الضائع =المُضيع= بالمحجبات
**************
أنا طبعنا لا أدافع عن الشباب لكي أعتقد أنهم تربوا بطريقة خاطئة ((أو في الحقيقة متربوش اصلاً … لأ بعض الآباء –المساكين-بيفتكرو التربية أكل وشرب بس…بعن ذي مابيؤل :أنا معيزش أولادي يحتاقوا لي حد والي بيدور أنا بقيبو ليهم …=الزواج مسؤولية أكبر مما يظنها هؤلاء =))
سلطات الدولة لها مسؤولية عظيمة في زيادة وتفاقم هذه الظاهرة…ويجب أن تقوم بدورها كاملاً…ويجب استخدام العقاب الرادع لمثل هؤلاء…
******
***
*
ولكن رأس المشكلة كله=والذي لا يحبه الكثير من الناس الهائمين وراء رغباتهم= هو البعد عن الدين…
*
***
*****
أصل لوكنت أنا مابخفش من ربنا وسنحت لي فرصة بعيد من عيون الناس او بطريقة مايقدرش حد يسبتها علي((ذي الي حصل دا بالضبط))…حكون غبي أوي لضيعتها..؟؟؟
فأرجو أن يقوم كل واحد بما عليه من واجب
وشكراً
***
ملحوظة مهمة:-
الحديث كان في مجملة عن الشباب السيئ لذلك لم أتطرق إلى غيرهم –وهم كثيرون والحمد لله-
كثر الفساد فى البر و البحر بما كسبت ايدى الناس
ان الله لا يغير ما بقوم حتى يغيروا ما بأنفسهم
متلوموش الحكومه لانه كما تكونو يولى عليكم
بصراجة ياجماعة انا من زمان ماجيت مصر وبصراحة الكلام ااالي قاعداسمعة غريب انا ماكنت اتوقع ان مصر فيها كذا بعدين اش حكاية الإخصاء والكلام الفاضي عيب عليكم احنا مش في زم هولاكو والتتار والبربرية احنا دخلنا بعام 2007 بصراحة انا اخاف اروح مصر مع الاهل بسبب الكلام اللي سمعتة بعدين بصراحة ياجماعة احنا بالسعودية ماقد حصل انو مجموعة كبيرة من الشباب بشارع عام يهاجم بنات والشرطة تتفرج مستحيل ياخي النساء عندنا يقدورا يمشوا بالشارع الساعة 3الفجر بدون خوف وهم مرتاحين لانو بلدنا بلد امن احنا مانقول اننا ملائكة اكيد كل بلد فيها جرائم حتا عندنا لاكن مقارنة بمصر بصراحة احنا اقل منكم بنسبة الجريمة بكثييير يمكن بسبب ان سكان مصر كثير يمكن ماني متأكد
بسم الله و الحمد لله و الصلاة و السلام علي خير عباد الله سيدنا و حبيبنا محمد وعلي اهله و اصحابه و سلم السلام عليكم و رحمة الله لو تأذنولي يا احباب الخير لو أدلي برأي وهو بكل بساطة اننا لازم نعرف كويس أوي ان جميع الفوز و الفلاح في الدنيا و الأخرة هو بأتباع اوامر الله سبحانه و تعالي علي طريقة نبينا و حبيبنا صلي الله عليه و سلم فالأدب فضلوه علي العلم فيجب و نحط تحت يجب دي مليون خط أن نتأدب بأدب النبي و سنة النبي صلاوات الله تعالي و سلامه عليه لأن كل ما نتغاضي عن سنة من سنن النبي يحل محلها بدعة و العيازوبالله ويجب علي كل من يريد أصلاح نفسة بل الصحبة الطيبة التي تعين علي طاعة الله و سنة و عمل بكل ما أمر به ربنا تبارك و تعالي و نبيه الكريم و نهي عن كل ما نهي عنه ربنا جل في علاه و نبيه صلي الله عليه و سلم و نتق الله في كل اعمالنا و أفعالنا و أقوالنا يجعل لنا مخرجا بأذن الله تعالي والله أعلي و أعلم و اخر كلمنا أن الحمد لله رب العالمين
الاخ احمد ماهر
ازاي ما نلومش الحكومة
احنا اه ما نلومهمش على الي عمله المتحرشون
بس نلومهم على التقصير في حماية البنات الي تم التحرش بيهم
ولا هه