التعليقات على: في فقه التعامل مع الإهانات..

بواسطة: محمد حبيب

محمد حبيب — Fri, 06 Oct 2006 20:16:23 +0000

محمود:
صودا كاوية؟ سيلفونيك؟ خلاص خلاص كده انا فهمت D:

بواسطة: محمود ماجد

محمود ماجد — Tue, 03 Oct 2006 23:45:13 +0000

في المنطقة الشعبية اللي انا ساكن فيها مفييش أومو وبرسيل والكلام ده ..فيه برميل كبير كده مليان صابون سائل معمول بالبطاس والصودا الكاوية ومادة كدا اسمها سيلفونك …تفتكل ده ينضف الدماغ ولا يجنزرها ويقضي على البقية الباقية اللي شغالة فيها

بواسطة: محمد حبيب

محمد حبيب — Mon, 02 Oct 2006 21:31:45 +0000

أختي طاهرة :
بالظبط.. ربنا يكرمك ويجزيكِ كل خير على النقطة دي, ياريت بس نفهم..

عارفة.. انا مش ضد المظاهرات دي عموما, انا ضد اننا نخليها هي كل رد فعلنا, لأنها لن تقدم ولن تؤخر, بل ربما تزيد من اقتناعه بـ”همجية” المسلمين, لأن رد فعلهم تجاه ما يراه الغرب “رأي”, كان عبارة عن حرق أعلام وتظاهرات أدت إلى وفاة بعض المسلمين أنفسهم, كم قدّرت رد فعل عمرو خالد حينما حسبها منطقيا, ببساطة ما هو السبب وراء رسومات الجريدة؟ الجهل بالنبي صلى الله عليه وسلم؟ إذن فالحل ببساطة هو أن نعرفهم بمحمد صلى الله عليه وسلم, لا أن نتظاهر ونعترض على صورة للرسول صلى الله عليه وسلم وضعناها نحن في عقول الغربيين.

شاكر لكِ مرورك..

بواسطة: محمد حبيب

محمد حبيب — Mon, 02 Oct 2006 21:27:11 +0000

محمد فتحي:
أعتقد يابوحميد دي حادثة فردية, ماتخليناش نقول إن كل المسيحيين كده, دي ملحوظة بس لزوم الفتنة الطائفية , عموما ان مش مع لصق الملصقات دي بشكل يشوه جمال المكان بحجة الدعوة, بس عموما زي مانت قولت بالظبط.. في مسلمين وفي غير مسلمين بيعملوا كده .. لكن عموما النقطة دي – في رأيي – مش مقياس .

بواسطة: محمد حبيب

محمد حبيب — Mon, 02 Oct 2006 21:24:03 +0000

حسين :
أعتقد انت بتتكلم عن حادثة معينة, ياريت تشرحها بالتفصيل لاني مش قادر افهمها او اتذكرها تحديدا.. شكرا لمرورك

بواسطة: طاهرة عامر

طاهرة عامر — Mon, 02 Oct 2006 07:08:58 +0000

السلام عليكم ورحمة الله
جزاك الله خيرا يا محمد على اللي انت كتبته… بس في حاجة
انا واحدة من الناس ضد موقف المسلمين من رسوم الدنمارك أو كلام البابا أو الماما
كل أعداء الإسلام لو كنا بنفهم يريدون أن يحولوا المسلمين لمدافعين عن دينهم المتهم كأن الإسلام شخص متهم على طول وإحنا لازم ندافع عنه والنتيجة هي إن المسلمين يستهلكوا كل طاقتهم في الدفاع والرأي الغربي لن يتغير طول ما أحنا لا نتغير… فاكرين لما سيدنا محمد صلي الله عليه وسلم تعرض لأذي من المشركين عندما غيروا اسمة من محمد إلى مذمم؟؟ هل قام الرسول بمظاهرات؟؟هل استهلك كل طاقته في الدفاع كما يحدث الآن؟؟ بل رد رد جميلا وقال هم ينادون مذمم وأنا محمد… شايفين يا جماعة حالنا بقينا شوية مدافعين ونستهلك كل وقتنا وقوتنا على الفاضي. تدبروا الآية دية رائعة إزاي
“قد نعلم إنه ليحزنك الذي يقولون فإنهم لا يكذبونك ولكن الظالمين بآيات الله يجحدون”
ربنا يجازيك خير يا محمد

بواسطة: محمد فتحى (عامل دماغ سابقاً )

محمد فتحى (عامل دماغ سابقاً ) — Mon, 02 Oct 2006 02:06:53 +0000

يبنى انت ناوى تعذبنى يبنى ؟
يبنى قولى بس .. انا اخش كل تدوينة والتانية انقهر .. انا ناقص قهر اكتر من اللى بشوفه ..

طيب حكاية بسيطة اوى كدا حدثت مؤخراً لأختى فى الكلية وحكيتهالى ..

طالبة مسيحية قاعدة فى البنج ” بتعطيش الجيم ” جنب اختى وملزوق قدامها حاجة من الملصقات الإسلامية ..

ماسكاها بضافرها عمالة تحفر فيها وتشيلها ..

اختى اتغاظت راحت حاطة ايدها على اديها .. وقالتلها ” سيبيها .. مش حتخسى حاجة ولا تخسرى حاجة لما تسيبيها ” ..

طيب لو ماكانتش البنت دى بتشوفنا بنعمل كدا احنا انفسنا فى الملصقات دى ..
اننا بنشلها ..

ما تستغربش .. انا بنفسى شفت واحد صاحبى بيشيلها من على الجدار بسأله ليه قالى ” رخامة .. شكلها مبوظ الجدار ” ..

المفروض فعلاً احنا اللى نقول آسفين .. مش هم ..

مع التحية لحامل الراية .. والحدق يفهم ..

بواسطة: حسين

حسين — Sun, 01 Oct 2006 06:54:52 +0000

قامت الدنيا و لم تقعد في البحرين بسبب الرسوم . كان لأحدى الصحفيات رأى مختلف ، فتعرضت للتشكيك هي ايضا.
في الابام التالية لتلك الغضبة اجرت احدى الصحف المحلية لقاءا مع احدى الشخصيات الدينية المتزعمة للغضبة و الذي نشرت له الصحف ايضا صورة و هو يقوم بحرق العلم الدنماركي في باحة المسجد و امام المصلين المؤيدين (عدد كبي من الاطفال و المراهقين كان بين الحضور) فقال الصحفي:
انتم لا تتقبلون الاختلاف في الرأي ! شككتم و اصبحت الصحفية و الرسام لديكم سواء !
فأجاب:
لا ليسوا سواء بالتأكيد. ولكن توقيت اعلانها عن رأيها كان خاطئاً.
الناس يغضبون و هي تكتب ما يخّطء آراءهم !

انتهى.

انا ارى ان امثال هذا الشيخ هم السبب في الانفعالات و التشنجات والاساءة للمسلمين.
يريدنا ان نمشي كالقطيع ..التالي يتبع السابق .. لا يريد ان يسمع رأي مخالف لان الوقت غير مناسب.

شكرا لك.

بواسطة: محمد حبيب

محمد حبيب — Fri, 29 Sep 2006 11:03:29 +0000

محمود ماجد:
صدقني.. استعمال أومو كل يوم يحفظ للدماغ نظافتها, إشتريه انت بس وعلى ضمانتي ..

ربنا يكرمك يارب..

بواسطة: محمود ماجد

محمود ماجد — Tue, 26 Sep 2006 13:51:28 +0000

هاااااااااااااااااااا ( بتنفس الصعداء )

اخيرا يا رب احمدك واحمد فضلك لسه فيه ناس دماغها نظيفة ، صح انت صح ، العيب عندنا ، إحنا اللي قدمنا نفسنا للغرب إننا القتلة قطاعين الرؤوس ، بس اللي بيحصل في العراق ، شوف المأساة اللي بتحصل هناك بأسم الإسلام ، كل يوم قتل وجثث ودمار وخراب .

المطلوب من الغرب لما يبص للي بيحصل ده يقول إن الإسلام ده عبارة عن إيه ؟؟ دين حلو ؟؟؟ …إحنا اللي أسأنا تقديم نفسنا .